Le adressato (destinatario) del cinque theses de Gode evidentemente era le mundo
academic, le qual se non interessa in cosas idealistic ma de factos e
realitates. Forsan Gode timeva le idealitate del esperantistas.

Un observation tamen es necessari: lo que importa non es le opinion de Gode ma
le observabile utilitate del lingua ipse (mem, itself), paraphrasante le dicto
anglese "Le usabilitate de interlingua jace (lies) in le oculo del observator."

Il es possibile que Gode e le IALA presentava interlingua in un momento
infavorabile in isto que le anglese jam habeva acquirite le rolo de lingua
international, non solo in le scientia ma in le medios in general. Insimul
(samtempe kun) mi prime contactos on interlingua ego parlava con plure personas
al universitate de Uppsala, questionante les de lor opinion in re interlingua
como vehiculo del excambio scientific international. Le responsa que ego sempre
apprendeva era que "nos jam ha le anglese".

Gode sembla anque haber pensate que le universitates e le mundo academic poteva
esser le vehiculo, le distributor de interlingua, ma mi experientia es que le
mundo academic, al minus in Svedia, es tanto conservative que illo non pote
functionar como un disseminator de interlingua.

Quando un persona jam es professor e prefecto de su institution (le cathedra de
un subjceto universitari) ille pote permitter se publicar alque (something, ion)
en interlingua. Le persona qui lo face antea debe haber un evidente corage.

Il es mesmo discussibile si le regulas de publication permitte que tu publica un
dissertation in interlingua, e a un responsa positive, tu certo ipse debe pagar
le costos de publication.

Si il non haberea essite personas qui voleva laborar pro le propagation de
interlingua per organisationes e ordinari labor, interlingua in iste instante
haberea essite un cosa morte, salvo un oase academic a alcun minus cognoscite
universitate.

De mi puncto de observation interlingua pote se divulgar per le personas qui es
interessate in facer isto. Interlingua es un alternativa pro multe personas. Pro
me personalmente illo es le alternativa al anglese. Illo es in un senso _mi_
lingua in un maniera que le anglese lo nunquam pote devenir.

Interlingua mi servi hic et nunc. Ego ha un interesse in vider plus personas
usante lo. Si illo deveni le secunde lingua a tote le humanitate, es un cosa del
qual ego non pote haber un opinion, tanto que ego non pote dicer que va occurrer
con le Europee Union.

Le cosa del qual ego pote haber un opinion es isto: Un plus divulgate uso de
interlingua es beneficiari pro omnes. In iste stadio quando le anglese es le
lingua del plus forte nation del terra, isto significa que illo (le anglese)
anque porta exclusivemente le patronos (patterns) de iste nation e sembla - e
isto es un paradoxe a me - excluder influentias de altere paises.

Un plus amplie uso de interlingua in multe paises significarea que ille paises
poterea non solo consumer impressiones del Statos Unite ma etiam producer,
divulgar, propagar su proprie ideas, patronos, opiniones, multo melio quam per
le anglese.

In le duration de alcun generationes, si le anglese es usate como le sol lingua
in le scholas de multe paises iste monocultural dependentia del Statos Unite
pote esser vincite, ma in iste caso al costo de un massa de varie identitates
ethnic e lingual.

Il es mesmo possibile que le anglese va acquirer le stato del lingua neutral, ma
isto occurre solo in alcun generationes, e attendente isto nos pote usar
interlingua como le alternativa al anglese, le plus de persoans que lo face
tanto melio! Ma le numero de usantes non es importantissime pro me. Il suffice
que ego pensa que interlingua me servi, e isto es le facto que si.

Lo que me finalmente attraheva a interlingua non era le orationes de Gode ma
plus tosto le qualitates de interlingua ipse. Ego habeva le impression que
interlingua se propaga ipse. Illo non besonie alcun eloquentia in altere linguas
national. Un poco brutalmente on pote dicer que le lingua ancora non es in le
stadio que on pote instruer lo a cata persona del globo. Illes qui pote judicar
le lingua va approbar lo, non pro un scopo (meta; celo, goal) in le futuro ma
pro le information que illo sperabilemente porta. Primo on comprende "quasi
toto", poste on debe apprender le resto, si il ha motivation. Postea, si le
interesse resta, on va activar su uso del lingua.

Pro me personalmente interlingua signficava un plus profunde comprension del
vocabulario international, le relation del varie parolas prestate in le svedese
con le stilo elevate in le anglese, pro solo citar un exemplo. Per interlingua
ego subito trovava que ego ha un comprension de italiano que ego non habeva
antea, e ego nunquam ha studiate italiano in un maniera regular.

Ergo, pro me era le lingua, non le opiniones e pensamentos de Gode que decideva.

Cellus