>From: Partaka <[log in to unmask]>
>Reply-To: [log in to unmask]
>To: [log in to unmask], [log in to unmask],  
>[log in to unmask], [log in to unmask],  
>[log in to unmask]
>Subject: [ido] Ido en Esperanto-renkontro
>Date: Sun, 18 Sep 2005 05:00:36 +0200 (CEST)
>
>Barcelona, sundie, 18ma di septembro 2005
>* * * * * * * * * * * * * * * * * * *
>Kar amiki samideana:
>
>Hiere posdimeze, en bela e granda gasteyo dil urbo
>Barcelona, la linguo Ido prizentesis ed audigesis,
>dum Esperanto-renkontro eventinta ibe.
>
>Depos 17kl., e fine dum plu kam un horo, me juis ya
>la posiblajo montrar Ido, asemble kun 12 interesati,
>precipue yuna, ma anke mez-eva e mem olda personi
>(9 viri e 3 mulieri), ne nur de Katalunia, ma anke de
>Francia, Germania, Maroko ed USA.
>
>L'organizuro rezervabis por l'Ido-eventajo' la maxim
>granda ceneyo dil gasteyo: la Salono Teatro.
>Dum eventar mea parolado, esis anke plus aktivesi
>che du altra chambri o saloni plu mikra.
>
>Ni (la 13 Ido-interesati) havis ya nula neceseso sidar
>an la komfortoza stulegi dil teatreyo; do, ni sidis an
>simpla stuli, ibe ube l'aktori ganas lia reputeso.
>(La preirinta eventajo Esperantista, anke developesis
>ibe: 15 partoprenantin me kontis).
>
>Ni interparolis per la Kataluna, Esperanto ed Ido, e,
>segun semblo, ni interkomprenis pasable bone.
>Me, do, ne diskursis pri Ido, ma nur montris ol,
>atencigante pri olua mult avantaji objektal relate
>l'Esperanto klasika. E me konversadis kun la grupo,
>respondizante olua nombroza questioni.
>
>Quale skribite, me invitesis partoprenar la renkontro
>nur sep dii ante nun: tre poka tempo por agar maxim
>efikive, adminime mea-kaze. Pluse, me nule prizas
>'parlar' publike. Ed ultre lo, me nul-tempe 'parlabis'
>Ido od Esperanto kun persono vivanta o vivinta...
>Tamen, danke via suporto, me rezolvis aceptar
>l'invitajo, e hodie me ya kontentesas agir tale.
>
>Me ne savas, ka mea partopreno esabos util ad Ido,
>ma mea kordio dicas a me, ke olta certe penvaloris.
>
>De hike, me deziras gratitudar la jentila ed afabla
>organizinti dil Esperanto-renkontro pro sua invitajo.
>Sam-tempe, me tre dankas omna ti qui, hiere, che
>Barcelona, montris lia intereso, enirante nia
>Ido-reveyo.
>
>Saluti e til balde!
>
>
>P A R T A K A
>* * * * * * * *
>
>
>
>
>
>
>
>
>
>
>
>Maxim kordial bonveno aden IDO-CATALA-OCCITAN! 
>http://es.groups.yahoo.com/group/IdoCatalaOccitan/
>
>
>
>______________________________________________
>Renovamos el Correo Yahoo!
>Nuevos servicios, más seguridad
>http://correo.yahoo.es
>
>
>------------------------ Yahoo! Groups Sponsor --------------------~-->
>1.2 million kids a year are victims of human trafficking. Stop slavery.
>http://us.click.yahoo.com/X3SVTD/izNLAA/E2hLAA/9VOolB/TM
>--------------------------------------------------------------------~->
>
>Ido, linguo neutra inter diferanta kulturi. Linguo di amikeso!
>
>http://www.ido.li
>
>Partoprenez ye l'internaciona Ido-renkontro dum la tempo inter la 23esma e 
>27esma di septembro 2005 en Toulouse (Sud-Francia).
>Invito ed anunc-formularo vu trovas ye:
>http://www.europa.idolinguo.com/Francia/Idorenkontro2005
>
>Yahoo! Groups Links
>
><*> To visit your group on the web, go to:
>     http://groups.yahoo.com/group/idolisto/
>
><*> To unsubscribe from this group, send an email to:
>     [log in to unmask]
>
><*> Your use of Yahoo! Groups is subject to:
>     http://docs.yahoo.com/info/terms/
>
>
>