Print

Print


Kar amiki

Segun americanfreepress.net la cayara Bilderberg-konfero eventas dum ca
semanfino en Rottach-Egern, Germania, ne fore de Munchen.

Quon la Mastri dil Universo diskutas ibe?  Ka futura milito kontre Iran?
O siria, o Nord-Korea?  Pri quale salvor la EU-projeto kande la Franci
demolisos ol ye 29ma mayo?

Nia amiko Jim Tucker sequas la Bilderbergani:
http://www.americanfreepress.net/html/bilderberg_found_.html

Yen l'artiklo en Ido:


BILDERBERG TROVITA!

KONFERO EVENTOS CHE LUXOZA GERMANA HOTELO

Da James P. Tucker Jr.

ROTTACH-EGERN, Germania  Europana Bilderberg-chaseri trovis la celeyo di ca
sekretema konspiro che luxoza hotelo en ca charmiva urbeto 40 milii de
Munchen. Lia yarala kunveno es mayo 5-8ma.

Bilderberg kunvenas che la Dorint Sofitel Seehotel Ueberfahrt, kin-stela
konfero- e komerco-hotelo kun 188 luxoza chambri. Ol es an lago e proxim
golfeyo  tipala Bilderberg-postuli. Alta oficisti dil Usana guvernerio e
posible kelka Kongreso-dukteri

partoprenos tri dii de sekreta renkontri por projetar globala politiko.
Statestri ed altra alta oficisti de Europa e Britania partoprenos, kun
mondala financisti.

David Rockefeller e lua "valet", Henry Kissinger, es de longe
Bilderberg-regulozi. Donald Graham, editero di The Washington Post, ed
asociat-editero Jimmy Lee Hoagland reguloze asistas, promisante raportor
nulo.

La New York Times, LA Times ed omna granda reti  ABC, CBS e NBC 
partoprenis. Omna partoprenanti vovis sekreteso.

Bilderberg negas sua existo, ed omna hoteli che qui eventas lia renkontri
postulas da lia employati mentiar e negar ke li
es prezenta.

Trifoye la Dorint dicis ad AFP ke li es plene rezervita  ma ke Bilderberg
ne es ibe. Omnu ecepte Bilderberg-partoprenanti e lia stabi, spozini o,
certenakaze, la spozino di altru, mustos livar. La hotel-stabo avertesos
revelar nulo vidata o audata.

Armizita gardisti patrolios ne nur la precipua enireyo ma la perimetri.

Expozar Bilderberg-konferi provizis averto - monati ante la ordinara
difuzerii - pri Usana militi, impost-augmenti,
e la falo di Margaret Thatcher kom prima ministro di Britania, inter altra
exkluzivi.


Kordiale, James Chandler
[log in to unmask]
http://www.geocities.com/idojc - IALs index
http://www.geocities.com/idojc/yindex.html - Ido index
http://groups.yahoo.com/group/idolisto - Idolisto home
http://io.wikipedia.org - Wikipedio en Ido

"We see nothing but good and hope in a richer, freer, more contented
European commonalty. But we have our own dream and our own task. We are with
Europe, but not of it. We are linked, but not compromised. We are interested
and associated, but not absorbed." - Winston Churchill, 1930