Print

Print


Car Bob,

Il es importante dicer que io non es contra le existentia de un
comunitate de Occidental o de parlantes de Occidental. In facto, le
existentia de un comunitate pro aquele lingua me place multo, proque
ilo tamben adjuta a crear nove ligamines de amicitate trans le mundo.
Io respecta tu gusto super Occidental, e regratia te per preservar
iste tesauro linguistic pro le futur generationes.

Le comparationes e criticas que io face aqui non es contra le lingua
Occidental per se, ma contra le idea de que ilo teoricamente esserea
plus eficiente que altere linguas, como Interlingua e Esperanto, pro
le comunication inter populos que parla linguas native diferente.

Io personalmente non crede que un conlingua devenira le lingua
auxiliar plus popular del mundo, ma aqui nos discute super isto como
un exercicio teoric intelectual, sin consequentias major. Nos discute
super que lingua esserea le "melior" auxilingua pro le mundo, ma in
practica io non oponerea le adoption de Occidental como le auxilingua
del mundo, e del mesme maniera io non oponerea le adoption de ule
lingua, sia natulingua (Anglese, Espaniol, Chinese, Guaraní, Aymará,
Afrikaans, etc.), sia conlingua (Volapük, Ido, Latino sine Flexione,
etc.).

Tu pote vider que mi position politic super iste subjecto es
pragmatic: qualcunque lingua que functiona pro comunication human
suficerea, in mi conception, pro esser adoptate como le lingua
auxiliar mundial. Ma io gusta de discuter super isto in un nivelo
teoric como un hobby, proque io es un "nerd". :D

Tunc, io pete que tu considera mi criticas e mi defensas como un mer
participation in un debato academic, non como un ataco real a tu
lingua preferite.

Salve Occidental e tote le altere conauxilinguas que vive!

Antonielly Garcia Rodrigues