Wayne,
Mersí por li questiones.
Yo va presentar in ti-ci lettre "Interlingue E Interlingue #1".
Si vu desira leer li complet material alor ples vider #1-#8 a:
http://www.interlingue.com

Forsan tis-ci va esser de interesse por te.

UN STUDIE COMPARATIV...

Li redaction de Cosmoglotta ha petit Sr. Matejka redacter un studie comparativ: ILa-ILe. Noi publica it in li present caderne de Cosmoglotta. Pro motives tecnic e editorial-administrativ noi ha esset fortiat reproducter it in un sol vez, vice repartir li contenete in divers numerós e a ti necessitá noi ha devet sacrificar li publication del regulari rubricas, in particulari li CRONICA. Noi peti nor estimat colaboratores excusar ti deviation exceptional de nor regulari procede.

In su remarcabil libre "Vijf Kunsttalen" (quin lingues artificial) Dr. W.J.A. Manders scri, sur pag. 112, lu sequent:

..." It es pro to anc ínjust judicar ti lingues (a saver Volapük, Esperanto, Ido, Occidental e Novial) secun li sam criterie. Chascun detallie deve esser considerat in li cadre del structura general del lingue e in chascun casu on deve rememorar li conception quel li autor del lingue havet concernent li scope de su creation."

To quo caracterisa li discussiones inter li adeptes del divers sistemas de mundlingue es just li facte que ili sovente ne sembla comprender li grand veritá quel Dr. Manders enunciat in su libre. To monstra se particularimen in li criticas queles cert partisanes de Dr. Gode directe a tis de De Wahl. Li témpor ha venit por definir clarmen nor respectiv positiones. Yo va dunc profitar li ocasion por examinar, in ti articul, cert aspectes del diferenties queles caracterisa li structura del du lingues e por provar retablisser li real factes.

To quo li autores de ILa e Occidental*) have in comun es que ambi es partisanes del scole naturalistic. Ma ili diverge in li determination del precisi scope quel ili pretendet atinger.

De Wahl consacrat su tot forties a un real problema: obtener formes natural sin sacrificar li regularitá quel conditiona li facil aprension del lingue.

Por Dr. Gode li final objecte esset: naturalitá integral.

Li simplic mention de ti du objectes monstra que li tache de De Wahl esset plu desfacil, nam in mani punctus naturalitá e regularitá es irreconciliabil. In cert casus De Wahl esset fortiat electer inter li du postulates. Ma il rarmen sacrificat li regularitá al naturalitá sin motive imperativ, nam por il, quam por noi, facilitá es e resta un del primari qualitás a quel un lingue auxiliari deve satisfar.

Por Dr. Gode, in contrari, naturalitá have in principie sempre li prioritá sur regularitá.

Pos ti necessi clarification, it va esser bon tirar li logic consequentie ex li enunciation de Dr. Manders. It consiste in li constation que on ne posse rasonabilmen afirmar que li un lingue es plu bon quam li altri si on ne ha intercordat in antey pri li principies sur queles ili es edificat e sur li servicies queles on expecta de ili. Nam li cause del conflicte ne jace primarimen in li sturctura del lingues self, ma in li antagonistic opiniones del persones queles pretende judicar les. Yo va dunc ci ne examinar esque li conceptiones de De Wahl e Gode es just in se self, ma restricter me a examinar in quant li factic resultates responde al conceptiones queles servit quam base por li edification del du sistemas.

A. Matejka, 1957

*) Yo va usar in ti articul li anteyan denomination Occidental (vice Interlingue) por plu bon marcar li diferentie inter li du nómines e por evitar confusiones.

Esser continuat in #2.

=====
cordialmen,
Bob

On 26 Feb 2007 at 18:26, Wayne S. Rossi wrote:

> --- auliuniv <[log in to unmask]> wrote:
>
> > Yo pensa que Occidental es plu comprensibil quam
> > ILa.
>
> Pro me, io pote comprender e Occidental e Interlingua.
>  Io ha studiate Interlingua, ma ante ille tempore, io
> poteva comprender lo.  De facto, Occidental resimila a
> Interlingua, si le vocales finale esseva rudemente
> eliminate.  Tu ha traducite facilemente de Interlingua
> a Occidental, e (usque io sape) tu non ha studiate lo.
>
> Io te inquirava:  proque io debe studiar Occidental?
> Tu non ha demonstrate le avantages de Occidental.  Le
> irregularitates real de Interlingua non son multe; ma
> pro le parlatores del linguas fonte de Ia, multe
> parolas de Occidental sembla "irregular."  Pro le
> altere europeos, e anque le asiaticos, africanos e
> alteres, e Interlingua e Occidental sembla estranie.
> Al minus, con Interlingua io pote leger libros,
> magazines, e paginas del web moderne e interessante.
> Que io ganiarea con Occidental?
>
>  - Wayne
>
>
> --
> No virus found in this incoming message.
> Checked by AVG Free Edition.
> Version: 7.5.446 / Virus Database: 268.18.4/703 - Release Date:
> 2/26/2007 2:56 PM
>


Robert Petry
Occidental (Cosmoglotta Biblioteca) http://www.interlingue.com
Occidental (Cosmoglotta Weblog) http://www.cosmoglotta.com/wpress