Print

Print


Ante alcun annus yo spectat un film pri un african tribe quel esset 
sclaves de un altri tribe. Li maestro-tribe decidet omni coses por li 
sclaves, quel feminas ili posset maritar u ili posset habitar etc. E li 
sclaves pensat que to esset tutalmen natural.

Nu, in nor culture it es preferibil que ne hay sclaves. In nor 
occidental culture li humanes es equal. Si noi pensa que un altri 
culture es plu bon, noi posse naturalmen acceptar ti culture!

Comparant USA e Iran, noi posse constatar que anc in Iran it existe 
homines (humanes) queles pensa que li usamerican culture es preferibil e 
ne vole un culture u it es supression de tis qui ne suporta li official 
religion etc.

Quam un extran observator yo trova cert similitás inter li Unit States e 
Iran. Ambe paises es religiosi e ambi ha presidentes qui suporta Dio 
secun sui respectivi religiones. Pro me, vivent in un quasi totalmen 
secular land, li pensada pri politicos qui crede in un dio, mem 
invisibil! es un cose sat absurdi! Ma it existe diverse creationes sub 
li sol!

Kjell R