Print

Print


Robert J. Petry wrote:
 
> Here is the rest of J. A. Kajs story.
>
 
Ir e l ed par.
 
"Poy venit li decision del Viennesi Occidentalistes prender sur se li
edition del periodico Kosmoglott. Ili dat al periodico li no'mine
'Cosmoglotta'. Sub li redaction de Ing. E. Pigal it esset un bell e
excellent jurnal e fat un tre bon labor por li L.I.
Interim yo editet un 'Tchec clave' (may 1924) composit de prof Pasma, e
in 1926 li unesim manuale tchec, quel esset li prim manuale de
Occidental.
 
Tande yo exposit in li vitrine de mi libreri'a li programma Paneuropa in
Occidental. Ti action havet un agreabil efect: Sr. Kocman, li
scoldirector de Slapanice, mi bon cliente, leet li prospecte de Paneuropa
e retornat se, diente: 'In quel lingue es ti prospecte de Paneuropa? It
es ni francesi ni anglesi, nam ti lingues yo conosse. Fo'san hispan? Ma
anc to sembla me improbabil. Esque it es in li nov lingue quel vu ha
recomendat me?' Quando yo respondet afirmativmen, il dit: 'Pro quo vu ne
ha fortiat me prender ti libre? On ya nequande deve refusar to quo on ne
conosse'. Il strax comprat li manuale, e pos har comparat li textus
concernent nor stationes ferroviari, traducet in Esperanto e in
Occidental, il dit: 'Omnicos in Occidental es comprensibil, durant que in
Espo yo comprende necos. Un instructora in nor scol intente far un cursu
de Esperanto, ma yo va dir la que existe un plu bon lingue. E desde
tande, sr Kocman, secun quo on dit me, sempre defendet Occidental contra
Esperanto.
Ma mi libreri'a esset in un mal situation financiari. Mi cardinal erra
esset li edition, quel ductet al complet ruin del libreri'a. Pos long
eforties yo obtenet li concession por un printeri'a. Ma yo ne volet
comprender que por fundar un printeri'a ne sufice solmen li entusiasme e
li labor, ma que on anc besona li necessi capitales. Adplu li printeri'a
esset fundat durant li mundal crise economic, e pro to mi situation
financial esset tre mal. On posse facilmen imaginar, que in ti situation
yo posset far solmen tre pos labor por li movement del L.I.
Pos li duesim visite del autor de Occidental, noi comensat editer 'Lingue
International' con li suplement 'Li instructor del L.I.' (1930). Desde
ti' moment sr. Podobsky dat me un tam efectiv auxilie, que on apen posse
mersiar le suficentmen pro ti grand apoy. Pos un annu yo hat changeat li
no'mine del revu'e a 'Occidental' (1932/1933), ma malgre' to yo ne posset
continuar li edition. Tande sr. Josef Svec in Praha comensat publicar su
'Occidental-Bulletin'. Ti publication esset tre bon e instructiv.
Regretabilmen sr. Svec devet cessar li edition ancor ante li eruption del
guerre. Yo editet ancor li articul del tchec scritor Karel Scheinpflug
pri li L.I., quel aparit in li revu'e Pritomnost (Presentie). Ma ti
publication perdit se durant li guerre. Yo composit e editet ancor un
manuale tchec (Occidental, moderni' jazyk mezina'rodni', con 64 pagines,
in 1935). Ante li guerre yo editet li Micri Chrestomatie (li unesim nro'
del Biblioteca de Occidental, in 1934), poy li poemas de sr. Podobsky
/Astres del verne/ (1935) e 'Al memorie del grand democrat T.G.M.', li
bon traduction de sr. Podobsky (3-im tom del Biblioteca de Occidental).
Ma li movement ne limitat se a mi person. Sr. Svec publicat li
vocabulariums Occ.-tchec e tchec-Occ., ambi poligrafat.
Durant li guerre (1939-1945). noi posset far necos, pro que li propaganda
por un lingue international esset prohibit. E pos li guerre? Li
individues ne posset editer alcun jurnal e poy mem nor organisation
FEDERALI esset dissoulet.
Advere nor amicos de Praha fat lu possibil. Ili editet un poligrafat
'Voce de Praha', iniciat de sr. Karel Stasny. Sr. Ladislav Podmele
dismisset un bon redactet 'Inqueste' a mult persones publicmen activ.
Ultra li duesim edition de 'Astres' yo publicat anc li vocabularium
Occidental-Tchec e continuat laborar por APIS (Asociation por
international servicie). Ti organisation ja comensat bon functionar, ma
regretabilmen, yo devet cessar mi labor, nam on ne posset expedir li
printates a extrania."
 
J atu c h n e u amuxa a al d v.
 
Al l sue,
Bob