Print

Print


Jay scribeva a proposito un message de Bob Petry:
 
>Iste message hic infra in anglese esseva
>un "forward" del lista Occidental conducite
>per Bob P., in ille liste Bob continua a facer
>mention negative de usatores de Interlingua
>que secun ille misrepresenta le Occidental
>e que refusa corriger lor errores in le paginas
>que existe al Tela Trans Terrestre. Le unic
>vice que ille me petiva corriger info esseva,
>io crede, le paragrapho quotate al pagina
>in re Occidental scribite per A. Gode. In ille
>paragrapho le Senior Gode presenta le
>valor de Occidental e monstra alcun de
>su formas illogic o difficile a usar.
 
Un de mi linguas pro communication international es interlingua. Io me non
senti disturbate del agitation de Bob in favor de occidental. Honestemente
io non vide le realitate como ille, e io cognosceva de occidental ci in
Europa annos ante que Bob habeva audite de illo, tanto minus apprendite lo.
Io del altere latere cognosce personalmente plure personas qui ha
practicate occidental. Ille personas passava a interlingua, obviemente
proque illes pensava que interlingua es un optime alternativa pro le
communication international.
 
Il ha plure tractos (features) de occidental que me place, de isto io ha
scribite antea, e on pote naturalmente ducer (lead) un discussion in re
qual methodo es le optime, usar elementos natural o aprioristic, fundar se
in logica o laborar per analogias. On pote discutar si on non pote crear un
lingua con elementos international - secundo alcun senso del parola - sed
del altere latere essente plenmente schematisate. Tamen, nunc quando nostre
organisation de interlingua ci in Europa Nord cresce, lentemente, ma
cresce, il esserea le heroica de un asino comenciar usar Occidental de
novo.
 
Occidental _usa_ le vocabulario international in un senso e es ben
comprensibile pro un persona qui parla interlingua. Lo interessante essera
le information que occidental provide.... Si Bob succede publicar un
magasin in occidental con interessantissime contento il certo va esser
interessante lectores interlinguista, e in processo de leger le
interessante contento in occidental illos tranira a occidental!
 
Polemicas pote naturalmente esser multo amusante e il es possibile que il
adjuta le diffusion de occidental.
 
Personalmente io suppone que Bob va transir a interlingua, ma illo va durar
un par annos, usque ille ha oblidate iste message ;-)
pro que ille demonstra le mesme trajectorio de evolution de un
occidentalista: Polemica contra esperanto e ido, cambia le nomine a alque
con _lingue_, compara le varie familias de parolas - como Berger, si io me
non equivoca - e realisa finalmente que un interlinguizate version de
occidental poterea esser un bon cosa. Al fin ille comprende le systema e va
esser un plen create usator de interlingua.
 
Si le question es solo de seliger (select pro le anglophonos) un lingua
international per un voto, le cosa es totalmente equal in un senso, ma isto
non es le situation. Le situation es que nos debe crear motivation de
apprender le lingua international. In iste caso a mi aviso le
interlinguistas ancora non ha utilisate le plen potential de interlingua
como explicator del vocabulario international.
 
Ben que io habeva studiate le francese - in le schola - e espaniol
autodidactiacmente - e parla ille lingua melior que le francese*, io
apprendeva _multo_ in re le vocabulario international. Io non dice que iste
processo era simple o facil, viste que io non es un parlator native de un
lingua roman. Il non habeva bon dictionarios svedese interlingua (in ambe
directiones) e io debeva usar vocabularios in altere linguas pro comprender
omne le finessas de interlingua, ma in iste processo io apprendeva un massa
de cosas interessante in re le origine de multe parolas in le svedese e
altere linguas.
 
Io ha antea narrate de mi private uso de interlingua. Io pote
coragiosemente dicer, que mesmo (even) si io era (were) le sol parlator de
interlingua in le tote mundo, illo esserea profitabile pro me. E il ha
ordine in le derivation...
 
 
>>Il es mi impression que Bob P. solmente
>>es interessate in defamar le Interlingua e
>>voler obtiner lucro del effortios de un
>>imminente interlinguista como De Wahl, e
>>le magazine Cos. que le Occicentalistas
>>publicava. Pro demonstrar per favor lege
>>le message hic infra de ille...
>>
Personalmente io pensa que ille scribe como ille scribe pro ignorantia.
Ille ha un lingua que cata persona con un certe fundo lingual pote usar. In
iste respecto il es incomprensibile proque ille durantemente scribe in
anglese.
 
Un bon cosa con un lingua del comprensibilitate immediate es que multe
personas jam lo comprende, e inter illos forsan se trova le bon pedagogos
qui pote trader le lingua al parlatores de altere linguas. Il non ha senso
argumentar pro interlingua a personas qui non es capabile o non vole
apprender lo - in anglese, usque le situation quando on ha bon utensiles de
apprender. Bon libros - e io non pensa del cosas que existe pro interlingua
in nostre dies. Le optime libro de apprender interlingua que io ha vidite
es ille de Ingvar Stenstr=F6m, ma nos necessita libros melior. Usque que
(Until)  on ha tal libros il es mal immercation (marketing) agitar in
linguas national pro interlingua e non haber bon materiales didactic pro
illos! Isto significa solmente que on rende personas disillusionate! - Ah,
esque il non era plus?!
 
Ci in Europa multe personas jam comprende interlingua. Lo que resta es de
transmitter alcun specie de contento in illo. Un exemplo de un dominio un
poco altere, es le norvegian. Io nunquam ha legite un libro in norvegian
pro leger un libro in norvegian, ma proque le libro era interessante e il
non habeva un libro in traduction svedese.
 
Bob scribe:
>>There are four known sites now with information about Occidental that
>> is in total error. Yet, these folks refuse to correct these errors,
>> and they seem to believe that they are true. They prefer to leave
>> this information uncorrected because someone who was an opponent of
>> Occidental did not understand it, wrote incorrect information about
>> it, and deliberately misquoted statements in the Kos jurnals, and now
>> people read those things, even folks now beginning to learn about
>> Occidental, and they think they are true. They are not, and are
>> deliberate misrepresentations.
 
Nunc io scribe un curso de interlingua pro svedoparlantes que io vole poner
in le rete. Post iste labor forsan io potera scriber un comparation inter
occidental e interlingua, naturalmente basate sur factos lingual. Ma io non
vide isto como un de mi prioritates justo nunc.
 
>> Why do people continue to preserve such stuff, and even to believe
>> them, when they are shown from the actual material that these are
>> deliberate, and obvious misstatements? They can see with their own
>> eyes that these quotes were distorted by reading the actual quotes
>> themselves, yet they prefer to defend the distortions and twistings.
 
Quasi cata bibliotheca universitari in Europa ha omne le volumines de
Cosmoglota e le svedese bibliothecas possede manuales e dictionarios de
occidental. Cata persona interessate pote ben ir e controlar ille ipse, que
es le veritate. Io ha legite alcun volumines de occidental con un mente
multo aperte...
 
>> So, think about it, and do the right thing because it is the right
>> thing to do. I am not interested in giving away valuable material for
>> no reason at all. ...
 
Isto es un intelligente attitude. Del altere latere, illes qui apprende
occidental comprendera interlingua etiam, e il non ha senso guastar (waste)
polvere (gunpowder) de polemicas. Le comprension es lo plus importante.
 
Si io finalmente va licentiar me (allow myself) un poco de theoria de
conspiration, isto es lo: Interlingua es le lingua que es veniente. Pro
isto le esperantistas lo opone, proque illos sape in le interne de su
mentes, que benque illes es multes, lor movimento es putrificente del
interno. (Io era usator de esperanto e sape isto). Le esperantistas usa
omne medios de disinformar in re interlingua, e isto es ben rational, si on
conta de un relation a poter. Si on vole le comprension international isto
es irrational, proque toto que pote ducer a un dialogo es bon.
 
Bob del altere latere ha multo a apprender. Que ille non vide le realitate
como io es deplorabile, forsan, ma nihil contra lo qual io pote facer
alque. Si Bob succede vender occidental a un enorme numero de personas qui
pote usar lo activemente, isto es bon, proque illo va ducer a melior
comprension. Ma toto essera dependente de iste facto: Pote le personas
usar occidental? Pote on transmitter information interessante in illo?
 
Occidental era un fantastic lingua que cadeva in le manos de polemicos e un
circulo qui non succedeva ir trans su limites. Un del causas forsan era que
le occidentalistas troppo ageva al esperantistas in vice de parlar al
publico, publicante parve quadernos de un formato A5 multo usabile in un
certe loco e a un certe carga (task), e le publico sapeva nihil!
 
Nunc, ante que nos alteres ridicula isto nos debe memorar, que isto es un
risco que nos omnes curre, que nos es troppo introverte.
 
Io ha parlate!
 
 
 
 
 
 
 
 
[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden