Print

Print


L' Ideale.
 
Ho Ideale, bell flore del spi'ritu homan, tu es to, quo da' a nor vive
un poc del lume divin!
 
Tu ha sempre esset con nos in li hora, quande noi te ha besonat, quande
omnicos ha semblat nigri, sin esperantie.
 
Tu ha dat fortie e coragie al profete, quande li popul ne ha volet
auscultar le, quande it ha jettat petres contra le, proque il ha videt
plu lontan e ha condamnat li customes barbaric.
 
Tu ha esset con omnis, qui ha combattet por li liberta' homan, corporal,
mental e spiritual, por l'unita' del rasse, su'per li limites de
nationes e colores.
 
Tu es con nos qui vole dar a un munde desunit un lingue neutral, su'per
li micri differenties national, un idioma, quel va dar al homes li
possibilita' incontrar-se ne quam membres de divers nationes ma quam
homes. [Occidental was not designed to give advantage to the few and
leave out the many. It was designed to make all equal as one mankind,
and not keep them as factions of differing bickering nations but to unit
them all as friends.]
 
Tu es con nos in ti ci hora obscur, quande noi lucta contra li
militaristes, queles es ancor activ con lor nigri venenes, qui vole
conducter li infelici homanite' ad un nov Armageddon, quel vell
completmen destructer nor civilisation vulnerat.
 
Ma noi ha fide que noi va victer, proque tu es li max fort potentie in
li munde, li potentie contra quel necos posse finalmen star. Tu es li
potentie del spi'ritu homan. -- Eric Biddle
 
========================
 
Li super esset scrit in 1927.